Muqdisho, 06 October 2015 –Wasaaradda arrimaha gudaha iyo federaalka ayaa sheegtay in dhawaan la billaabi doono dhisidda maamulka Shabeellaha Dhexe iyo Hiiraan, oo ka mid noqon doono dowlad-goboleedyada dalka.
Agaasimaha guud ee wasaaradda arrimaha gudaha iyo Federaalka Cali Abtidoon Xalane ayaa sheegay in guddigii farsamada ee ka shaqeyn lahaa dhismaha maamulkaan la dhamaystiri doono dhawaan, kaddibna howsha la billaabi doono.
“Howsha (maamul-dhisidda) waxaa qaban doona guddi farsamo oo madax bannaan oo ka imaanaya labada dadka labada gobol deggan, hadda waxaa la isku raacay tirada guddigan, waxa xiga waa in la magacaabo dadka guddigan ka mid noqonaya” ayuu yiri Agaasimuhu.
Sidoo kale agaasimaha ayaa sheegay in wasaaraddu ay maamulkaas marka uu dhammaado ay ka shaqeyn doonto gobolka Banaadir oo u baahan in loo sameeyo sharciyo lagu caddeynayo maqaamkiisa, ayadoo ay arrintaas kaalin weyn ku leeyihiin golaha shacbigu.
.
———————————————–
Ali Omar Ghedi | Qaranimo Online | Muqdisho
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
