December 04, 2009 (QOL) Mooshin ka dhan ah madaxweynihii hore ee dalka Hondures Manual Zelaya ayay ansixiyeen Baarlamaanka dalkaasi Hondures .

Ayadoo oo ay soo gabagabowday codbixintii ka dhacday guud ahaan dalkaasi Hunduruus ayaa waxaa wali soconaya is qabqabsi dhanka xilka ah oo u dhaxeeya taageerayaasha madaxweynaha haatan la wareegay xilka iyo kuwa Manual Zelaya.

Baarlamaanka dowlada hada talada wadanka Hondures haysa ayaa u codeeyay Mooshin ka dhan ah Madaxweynihii hore ee talada wadankaasi lagu tuuray Manual Zelaya.

Baarlamanka Hondures oo ka koobna 190 xubnood ayaa 124 kamid ah waxaa ay u codeweyeen in aanu Zelaya ku soo biireen siyaasada iyo xukunka hada ka jira Honderes,waxaana mooshinkaasi kasoo horjeestay 64 xubnood oo kamd ah baarlamaanka Honderes.

Manual Zelaya oo hada magangalyo u jooga safaarada ay Brazil ku leedahay caasimada honderes ee Tegucigalpa ayaa ku adkaysanaya in aanu aqbalayn codaynta ka dhanka ah ee ay baarlamaanka Honders u codeeyeen.

Maalinimadii Axada oo wadanka Honders uu yeeshy Madaxweyne cusub ayaa waxaa kasoo horjeestay doorashooyinkii ka dhacay wadankaasi Madaxweynayaasha Brazil,Argentina iyo Venezuela oo ku tilmaamay doorashooyin aan xaq ahayn.

Si kasta oo ay ahaato inta badan dowladaha laatiin ameerika ayaa qaban qaabinaya in si gooni ah loo takoora dowlada cusub ee wadanka Honders ee uu Madaxweynaha ka yahay Profirio lopo.

Dowlada Cusub ee Madaxweyne Profirio waxaa horay u soo dhoweeyay dowlado ay kamid tahay Maraykanka,iyadoona aan la ogayn halka ay ku damayn doonto khilaaf ay dowlada cusub ee Honders kala kulanto dowladaha ugu waaweyn laatiin Ameeriko.